Dünya
Pleyeri seçin:
Rəsmi Ankara PKK-nın hücumuna belə reaksiya verdi
Türkiyə Xarici İşlər Nazirliyi PKK terror təşkilatının tərəfdarı olan bir qrup şəxsin bu ölkənin Almaniyanın Hannover şəhərindəki Baş Konsulluğuna hücumu ilə bağlı açıqlama yayıb.
Açıqlamada qeyd olunur ki, xüsusən son illərdə Türkiyə hökumətinin həyata keçirdiyi uğurlu siyasi, hərbi tədbirlər nəticəsində terror təşkilatı küncə sıxışdırılıb və bu, təşkilatın Avropadakı tərəfdarlarını narahat etməyə başlayıb.
Bəyanatda bildirilir ki, hücumdan dərhal sonra Almaniya rəsmiləri ilə əlaqə saxlanılıb və qarşı tərəfin diqqətinə çatdırılıb ki, rəsmi Berlin Türkiyə vətəndaşlarının, diplomatik nümayəndəliklərinin təhlükəsizliyinə cavabdeh olmalıdır.
“Müvafiq ölkələrdən gözləntimiz terrorçuların təxribat törətməsinə imkan verilməməsi və onların ən qısa vaxtda ədalət qarşısında cavab vermələridir”, – deyə məlumatda qeyd olunub.
Kopyalandı
Seçilmişlər
