Rəsmi Təl-Əviv Tramp administrasiyasından kömək istədi

“İsrail Donald Tramp Administrasiyasından son 48 saat ərzində İranla müharibəyə girməsini xahiş edib. Bunu Tehranın nüvə proqramını məhv etmək müqabilində Vaşinqtondan tələb edib”.

Bu barədə ABŞ mediası məlumat yayıb.

Qeyd olunub ki, Fordo Yanacaq Zənginləşdirmə Zavodu hədəf seçilmək üçün çətin bir mövqedə yerləşir. Zavod İranın şimalında, Qum yaxınlığındakı dağların dərinliklərində inşa olunub.

Məlumatda həmçinin bildirilib ki, İsrailin strateji hədəf olan Fordo uran zənginləşdirmə sahəsini məhv edəcək silah-sursatı yoxdur.

Lazımi bunker bombaları və iri bombardmançı təyyarələri olmadığı üçün Təl-Əvivin son çarəsi uzunmüddətli müttəfiqi Vaşinqtondur. Lakin D.Tramp Administrasiyası İranla bağlı birbaşa münaqişəyə girməkdən çəkinir. İsrail rəsmiləri ABŞ-nin münaqişəyə qoşula biləcəyini iddia etsə də, Ağ Ev bu informasiyanı təkzib edib.

Beləliklə, Təl-Əviv tərəfi nüvə proqramını məhv etmək ümidi ilə nüvə obyektlərini və alimlərini hədəf alsa da, münaqişə dalana dirənib. Çünki İran nüvə obyektlərinə edilən hücumlardan sonra İsraili irimiqyaslı raket atəşinə tutub. ABŞ isə sözün əsl mənasında bu məsələdən əlini üzüb. Bütün bunların fonunda 2 tərəfdən də insan itkisi artmağa davam edir.