Roma Papası xəstəxanaya yerləşdirildi

Roma Papası Fransisk respirator infeksiyası ilə xəstəxanaya yerləşdirilib.

Bu barədə Müqəddəs Taxt-Tacın mətbuat xidməti məlumat yayıb. Bildirilir ki, 86 yaşlı Roma Papası son günlər nəfəs darlığından şikayətlənib.

“O, Aqostino Gemelli Fondunun xəstəxanasında müayinə olunub. Yoxlamaların nəticəsi respirator infeksiyanın olduğunu göstərib ki, bu da xəstəxanada bir müddət zəruri müalicə tələb edir", - deyə məlumatda vurğulanıb.

Roma Papasının xəstəxanada nə qədər qalacağı dəqiq deyil. Həmçinin infeksiyanın koronavirus bağlı olmadığı bildirilib.