Rusiya atəşkəsə buna görə “yox” dedi | Putindən qalmaqallı açıqlamalar

“Bryansk və Kursk vilayətlərində qatarların partladılması, şübhəsiz ki, terror aktıdır”.

Bunu Rusiya Prezidenti Vladimir Putin hökumət üzvləri ilə görüşündə deyib.

O əlavə edib ki, Ukraynada bu cür cinayətlərin törədilməsinə dair qərarlar siyasi səviyyədə qəbul edilib:

“Hücum açıq şəkildə mülki şəxslərə qarşı yönəlib. Bu fakt bizim narahatlığımızı təsdiq edir ki, bir vaxtlar hakimiyyəti ələ keçirmiş qeyri-legitim Kiyev rejimi terror təşkilatına çevrilir və onun himayədarları da terrorçularla ortaqlıq edirlər”.

Rusiya lideri son günlərdə təklif olunan atəşkəs məsələsinə də toxunub. O bildirib ki, atəşkəs Ukrayna üçün fürsətə çevirə bilər.

Qeyd edək ki, Rusiya İstintaq Komitəsinin rəhbəri Aleksandr Bastrıkin Kursk və Bryansk vilayətlərində törədilən partlayışlar nəticəsində dəyən ziyanın 1 milyard rubldan çox olduğunu bildirib.