Rusiya, Çin və Pakistan Haiti ilə bağlı səsvermədə bitərəf qalıb?

BMT Təhlükəsizlik Şurası Haitidə fəaliyyət göstərən Beynəlxalq Sülhməramlı Missiyanın mandatını daha 6 ay uzadıb.

Qətnamənin lehinə 13 ölkə səs verib, Rusiya, Çin və Pakistan isə bitərəf qalıb. Bununla da missiyanın mandatı 2027-ci il martın 31-dək uzadılıb.

Missiya Haitidə ölkənin böyük hissəsinə nəzarət edən silahlı dəstələrə qarşı mübarizədə yerli hakimiyyətə dəstək vermək üçün yaradılıb. Qruplaşmaların fəaliyyəti ölkədə təhlükəsizlik və humanitar vəziyyəti daha da ağırlaşdırıb.

Təşkilat daha əvvəl Keniyanın rəhbərlik etdiyi çoxmillətli missiyanı əvəz edib. Onun tərkibinin 5 500 nəfərə çatdırılması nəzərdə tutulsa da, hazırda bu rəqəmə nail olunmayıb.

ABŞ-nin BMT-dəki nümayəndəsi Mayk Uolts bildirib ki, missiyanın əsas məqsədi haitililərə ölkədə təhlükəsizliyə nəzarəti yenidən bərpa etməyə kömək etməkdir.

Rusiya və Çin mandatın uzadılmasına qarşı çıxmayıb. Lakin hər iki ölkə daha əvvəl missiyanın effektivliyi, maliyyələşdirilməsi və uzunmüddətli fəaliyyət planı ilə bağlı narahatlıqlarını ifadə edib.