Texnologiya səhmlərində satış dalğası | İnvestorlar nədən çəkinir? - Baku TV
Yeniliklərdən dərhal xəbərdar olun
ABŞ fond bazarlarında xüsusilə texnologiya şirkətlərinin səhmləri üzrə satışlar üstünlük təşkil edib. “S&P 500” indeksi bir faiz azalaraq iyul ayından bəri ən aşağı səviyyəyə enib.
Satışlara süni intellekt sahəsinə yönəldilən yüksək həcmli investisiyaların nə dərəcədə gəlir gətirəcəyi ilə bağlı narahatlıqlar, eləcə də ABŞ-nin elektron kəşfiyyat qurumu ilə bağlı yaranan və “Apple” xidmətlərinə təsir edən texniki nasazlıqlar təsir göstərib.
“Bank of America”ya görə, texnologiya səhmlərindəki payını artıran fond menecerlərinin xüsusi çəkisi oktyabrda 37 faiz olduğu halda hazırda 12 faizə düşüb. Bu da investorların sözügedən sektora münasibətdə daha ehtiyatlı mövqe tutduğunu göstərir.
Bazar iştirakçılarının diqqət mərkəzində Censen Huanqın ayrılmasından sonra ilk dəfə maliyyə hesabatı açıqlayan “Nvidia” şirkəti də olub. Şirkət satış gəlirləri ilə bağlı proqnozunu yüksəltsə də, səhmlərinin qiyməti ticarət sessiyası ərzində təxminən 4 faiz ucuzlaşıb və günü 0,4 faiz azalma ilə başa vurub.
Kapital bazarları üzrə ekspert Tim Oeçesnerin sözlərinə görə, Censen Huanqın istefası bazarlarda qarışıqlığa səbəb olur:
“Censen Huanq təkcə “Nvidia”nın baş direktoru deyil. O həm də süni intellekt inqilabının simasıdır. Buna görə də onun istefası bazarlarda qarışıqlığa səbəb olur. Bütün diqqətlər bundan sonra nə baş verəcəyinə yönəlib. “Nvidia”dakı liderlik böhranı investorları narahat edir. Digər tərəfdən də Donald Trampın hər bir açıqlaması fond bazarlarına təsir edir. Onun hələ İranla razılığa gəlməməsi dünya miqyasında səhm indekslərinin düşməsinə səbəb olur. Geosiyasi xəbərlər bazarları narahat edir və getdikcə qeyri-müəyyənliyi artırır”.
#ABŞ teqi istifadə olunub
- Kimyəvi silah iddiası İran–ABŞ gərginliyini yenidən alovlandıracaq? - Baku TV
- ABŞ və Venesuela müdafiə sahəsində tərəfdaşlığı gücləndirmək barədə razılığa gəldi - Baku TV
- Süni intellekt yarışında ABŞ Çinin qarşısını necə almaq istəyir? - Baku TV
- ABŞ İran ərazisində raket buraxılış məntəqəsini hədəfə alıb - Baku TV CANLI
- 24 faizlik eniş və milyardlarla zərər | Məşhur rəhbərin gizli eşqi texnologiya nəhəngini çökdürür?
