Rusiya-Ermənistan gərginliyi daha da artır? - Paşinyanın partiyasından çıxarılan şəxsdən mesaj
Ermənistan parlamentinin deputatı, Baş nazir Nikol Paşinyanın partiyasından kənarlaşdırılmış Ovik Ağazaryan Rusiya rəhbərliyinə müraciətlə diqqətçəkən açıqlama verib.
Parlament tribunasından çıxış edən deputat Moskvanı Ermənistan tərəfindən mümkün təxribatlara qarşı ehtiyatlı olmağa çağırıb.
“Rusiyaya müraciət edirəm. Xahiş edirəm, bizim təxribatlara uymayın və bu cür hallara reaksiya verməyin”, – deyə O.Ağazaryan bəyan edib.
Deputatın bu çıxışı Ermənistan-Rusiya münasibətlərində son dövrlərdə yaşanan gərginlik fonunda səsləndirilib. O, rəsmi İrəvanın bəzi addımlarının Rusiya ilə münasibətləri daha da pisləşdirə biləcəyinə işarə edib və bu prosesə aldanmamağı Moskvanın diqqətinə çatdırıb.
Ovik Ağazaryan əvvəllər hakim “Vətəndaş müqaviləsi” partiyasının üzvü olub, lakin siyasi fikir ayrılıqları səbəbi ilə partiyadan uzaqlaşdırılıb.
#Ovik Ağazaryan teqi istifadə olunub
- Ermənistan müxalifətinin “Qarabağ iddiası” səsverməni uduzdu
- Müxalif deputatın çıxışı əlbəyaxa davaya çevrildi | Ermənistan parlamentində xaos
- Nikol buna görə məni... | Erməni deputat hökumətin ona qarşı çıxmasından danışdı
- Ermənistanda Bakı ilə bağlı qalmaqal | Məxfi məlumatları kim necə sızdırdı?
- Paşinyanın deputatından Putinə sərt sözlər | Bizim də günahımız var, amma...
