Rusiya iqtisadiyyatına böyük zərbə | Bunlar elə məbləğlərdir ki...
“Dolların bahalaşmasının səbəblərindən biri də miqrantlardır. Rusiyada milyonlarla miqrant qazandıqlarını iqtisadiyyatımızdan çıxararaq vətənlərinə göndərirlər. Artıq bir neçə ildir ki, bu köçürmələrin tam statistikası verilmir, amma sızan məlumatlara görə, bunlar böyük məbləğlərdir”.
Bu sözləri Rusiya Dövlət Dumasının deputatı Mixail Matveyev sosial şəbəkə hesabında yazıb.
“Məlumatlar dəyişir, lakin göründüyü kimi, Tacikistanın ÜDM-nin yarısı, Qırğızıstanınkının 1/3-i, Özbəkistanın ÜDM-nin 12-15%-i Rusiyadan transferlərdən ibarətdir və s. Həmçinin Gürcüstana 2 milyard dollardan, Ermənistana 3 milyard dollardan çox, Qazaxıstana külli miqdarda köçürmələr var.
Yəni Rusiyadakı miqrantlar və onların diasporları hər il bizim banklardan on milyardlarla dollar alır, valyutaya olan tələbatı və məzənnənin artımını süni şəkildə stimullaşdırır. Bu deyilənlərə əlavə edək ki, bütün “dost” MDB ölkələri Rusiya banklarına və MİR kartlarına qarşı sanksiyalar tətbiq etdi. İndi Rusiyadan bu ölkələrə rubl köçürmələri çətindir. Ona görə də miqrantlar nağd şəkildə valyuta alıb ölkədən çıxarırlar”, – o bildirib.
#ABŞ dolları teqi istifadə olunub
- Dünya dollar böhranı ilə qarşı-qarşıya | ABŞ valyutası necə yenidən güclənəcək?
- Manat nə qədər bahalaşdı? - İqtisadçı əsas səbəbləri belə izah etdi
- ABŞ dollarının qlobal hegemonluğuna son qoyulur? - Ekspertlər danışdı
- Nüfuz qazana bilməyən pul vahidi | Maraqlı araşdırma
- Tramp dolların sonunun anonsunu verdi | Dollar necə əvəzlənəcək?
