Rusiya və Böyük Britaniya arasında qalmaqal | O səfiri görmək...
Rusiya Xarici İşlər Nazirliyinin rəsmi nümayəndəsi Mariya Zaxarova Böyük Britaniya səfirini ölkədə prezident seçkiləri ilə bağlı paylaşımına görə Xarici İşlər Nazirliyinə çağırmaqla hədələyib.
M.Zaxarova bu barədə “Telegram” kanalında yazıb.
Onun sözlərinə görə, Rusiya tərəfi ölkədə prezident seçkilərinə müdaxilə cəhdlərinin qeydiyyatını diqqətlə aparır.
“Böyük Britaniya səfirini görmək bizə zövq vermir. Amma buna son qoyulmasa, bunun qarşısının alınması üçün onu çağıra bilərik”, – deyə Rusiya rəsmisi bildirib.
M.Zaxarovanın şərhinə səbəb Böyük Britaniya səfirliyinin Krım, Luqansk, Donetsk, Zaporojye və Xerson vilayətlərində Rusiya prezident seçkilərində səsvermə ilə bağlı bəyanatı olub.
Qeyd edək ki, Böyük Britaniya səfirliyi “Telegram” kanalında “Rusiyanın Ukraynaya məxsus Xerson, Zaporojye, Donetsk, Luqansk, eləcə də Krımda seçki keçirilməsi üçün heç bir hüquqi əsası yoxdur, bu ərazilərin hamısı Ukraynanın tərkib hissəsidir”, – deyə bildirib.
#Rusiya Xarici İşlər Nazirliyi teqi istifadə olunub
- Rusiya NATO-nun bundan imtina edəcəyi təqdirdə alyansla dialoqa açıqdır
- "Rusiya bu işə bir çox cəhətdən maraq göstərir" | Mixail Kaluqindən açıqlama
- Rusiya XİN-in MDB ölkələri üzrə dördüncü departamentinin direktorundan açıqlama
- "Türkiyənin bununla bağlı öhdəlikləri var" | Lavrov rəsmi Ankaraya xəbərdarlıq etdi - Baku TV CANLI
- Rusiya NATO və Aİ ölkələrinə cavab verdi
