Rusiyada müharibə ilə bağlı sorğu keçirilib

Rusiyalıların 74%-i Ukraynadakı hərbi əməliyyatlarda nüvə silahından istifadəyə qarşıdır.

Bu barədə RBC xəbər saytı federasiyada sosialoji araşdırmalar aparan şirkətin hesabatına istinadən məlumat yayıb.

Bildirilib ki, sorğu iştirakçılarına “Ukraynadakı əməliyyatda qələbə üçün nüvə silahlarından istifadə tələb olunursa, bunu məqbul, yoxsa qeyri-məqbul hesab edirsiniz”, – sualı ünvanlandırılıb. Respondentlərin 74%-i bu addımın yolverilməz olduğunu bildirib. Cəmi 11%-i isə nüvə silahından istifadəni məqbul sayıb.