Rusiyada PUA yaşayış binasına çırpıldı: yaralılar var

Rusiyanın Voronej vilayətində Pilotsuz Uçuş Aparatı yaşayış binasına çırpılıb.

Bu barədə vilayətin qubernatoru Aleksandr Qusev məlumat verib. O bildirib ki, hadisə nəticəsində 2 nəfər yaralanıb.

“Sosial şəbəkələrdə yayılan görüntülərdən PUA-nın mənzillərin eyvan və pəncərələrinə ziyan vurduğunu görmək mümkündür. Hazırda hadisənin detalları araşdırılır”, – deyən qubernator həmçinin bildirib ki, PUA-nın çırpıldığı binanın sakinləri təxliyə edilməyəcək.

Qeyd edək ki, sözügedən binada ümumilikdə 90 sakin yaşayır. Ərazidə təmir-bərpa işləri görülür.