Rusiyanın Müdafiə Nazirliyi Polşadakı dron olayına münasibət bildirib

10 sentyabr 2025 164 baxış

“Rusiya Ordusu Polşa ərazisində obyektlərə zərbə endirməyi planlaşdırmayıb”.

Bu sözlər Rusiya Federasiyasının Müdafiə Nazirliyinin yaydığı məlumatda qeyd olunub.

Əlavə edilib ki, Polşanın hava məkanını pozduğu iddia olunan Rusiya dronlarının maksimum uçuş məsafəsi 700 kilometrdir.

“Rusiya Müdafiə Nazirliyi Polşanın Müdafiə Nazirliyi ilə bu məsələ ətrafında məsləhətləşmələr aparmağa hazırdır”, – deyə məlumatda bildirilib.

Qeyd olunan tarixdə Rusiyanın Hərbi Hava Qüvvələri Ukraynanın Xmelnitsk, İvano-Frankovsk, Jitomir vilayətləri, Vinnitsa və Lvov şəhərlərinə dron hücumları həyata keçirib.

Rusiya Polşanın hava məkanının pozulmasını tam etiraf etməsə, bunu hücum saymasa da, Avropa İttifaqına üzv ölkələr, əsasən də “İstəklilər Koalisiyası” Rusiyanın bu addımını qınayıb.

NATO-nun Baş katibi Mark Rutte isə hazırda dronlarla bağlı dəqiqləşdirmələrin aparıldığını açıqlayıb və Rusiyanı Ukraynadakı savaşı dayandırmağa çağırıb.

#Rusiya Müdafiə Nazirliyi