Rusiyaya göndərilən 4 qadın casusun əməlləri ortaya çıxdı | Onlar hazırlaşırmışlar ki...
Rusiya Federal Təhlükəsizlik Xidməti Sevastopol, Voronej və Rostov-na-Donu şəhərində Ukrayna xüsusi xidmət orqanları ilə əməkdaşlıqda, eləcə də yüksəkrütbəli Rusiya hərbçilərinə qarşı terror aktları hazırlamaqda şübhəli bilinən 4 qadını saxlayıb.
Bu barədə ölkə mətbuatında məlumat verilib.
Həmin şəxslərin Ukrayna ərazisində atış, partlayıcı qurğuların hazırlanması və pilotsuz uçuş aparatlarının idarəolunması üzrə təlimlər keçdiyi açıqlanıb.
Bildirilib ki, saxlanılan şəxslərin evindən xeyli sayda partlayıcı maddə və onların hazırlanması üçün zəruri vasitələr, təlimatlar və digər dəlillər aşkarlanıb. Hələlik adları açıqlanmayan şəxslərin əməllərini etiraf etdiyi və zəruri əməliyyat-istintaq tədbirlərinin həyata keçirildiyi qeyd olunub.
Məlumata görə, gənc qadınlardan yalnız ikisi keçmiş sinif yoldaşları olub, digərlərinin isə bir-biri ilə heç bir tanışlıq əlaqəsi olmayıb.
Əməliyyat-istintaq materialları əsasında FSB-nin istintaq bölmələri tərəfindən terrorçuluq cinayətləri maddəsi ilə saxlanılan şəxslər barəsində cinayət işi başlanıb. Törədilən cinayətlərə görə qadınları 30 ilə qədər həbs cəzası gözləyir. Onların qanunsuz fəaliyyətində köməklik göstərən şəxslərin müəyyən edilərək məsuliyyətə cəlb edilməsi istiqamətində tədbirlər davam etdirilir.
#Rusiya Federal Təhlükəsizlik Xidməti teqi istifadə olunub
- Rusiya FTX təcili məlumat yaydı | Ağlasığmaz sui-qəsd planı ifşa edildi - CANLI
- “Rusiya FTX ilə əməkdaşlıq ediblər” | Mətbuat Şurasından “Sputnik Azərbaycan”la bağlı vacib bəyanat
- FTX terrora cəhd edən qızı belə tutdu | Tapşırığı verən görün kim imiş
- Son dəqiqə | Rusiya FTX-nin “Sputnik Azərbaycan”da çalışan əməkdaşları ifşa olundu
- Bu əməliyyat konkret olaraq cinayət əməlidir | Millət vəkilindən açıqlama
