Ruslar niyə bu ölkələrə axın etdi? | Türkiyəyə üz tutsalar da...

Ukraynada genişmiqyaslı müharibənin başlaması, səfərbərlik və müxalifətə qarşı repressiyalardan sonra Rusiyanı tərk edib geri qayıtmayanların sayı təxminən 666 000 nəfərdir.

Bu barədə “Bell” nəşrinin araşdırmasında bildirilib.

Qeyd edilib ki, ən çox köç Ermənistana olub – 110 000 nəfər. Qazaxıstana 80 000, İsrailə 80 000, Gürcüstana 74 000, ABŞ-yə 48 000 rus köçüb. Eyni zamanda ABŞ-yə ruslar kütləvi şəkildə sığınacaq üçün müraciət edirlər.

Rusların ən çox üz tutduğu ölkələrdən biri də Türkiyədir. Ancaq burada yaşayış izninin uzadılmaması səbəbindən ruslar Türkiyəni tərk etməyə məcbur olurlar. Buna baxmayaraq, 2022-ci ildən bəri Türkiyədə 28 000 rus məskunlaşa bilib.