Saçları qaynar su ilə yumaq zərərlidir

"Saçları qaynar su ilə yumaq sağlamlıq problemlərinə səbəb ola bilər".

Bu barədə braziliyalı dermatoloq Sintiya Gedes yerli mediaya müsahibəsində bildirib.

Həkimin sözlərinə görə, qaynar su dərinin qoruyucu funksiyasını yerinə yetirən təbii yağ qatını həddindən artıq parçalayır. Nəticədə dərinin üst qatında quruluq, qabıqlanma və qıcıqlanma kimi əlamətlər yarana bilər.

Mütəxəssis bildirib ki, saçları qaynar su ilə yumaq "geridönüş effekti"nə də səbəb ola bilər. Belə ki, dəri həddindən artıq təmizlənməyə cavab olaraq daha çox yağ ifraz etməyə başlayır. Bu isə baş dərisinin daha tez yağlanmasına gətirib çıxarır.

Bundan əlavə, saçların hər gün qaynar su ilə yuyulması kəpək problemini daha da kəskinləşdirə bilər. Buna görə də dermatoloq saçların yuyulması zamanı yalnız ilıq və ya sərin sudan istifadə etməyi tövsiyə edir.

Həkim əlavə edib ki, saçalrı yuyarkən suyun temperaturu təxminən 36-37 dərəcə istilikdə olmalıdır.

“İsti su saç dərisini zədələyir və yağlandırır, soyuq su isə kirləri tam təmizləmir”, – deyə o vurğulayıb.