Suriya Prezidentinin Nyu-Yorka səfəri Dəməşqə nə vəd edir?

Suriya Prezidenti Əhməd əl-Şaraanın Nyu-Yorka səfəri Dəməşq üçün yeni dövrün başlanğıcı hesab olunur. 60 ildən sonra ilk dəfə Suriya dövlət başçısı səviyyəsində BMT Baş Assambleyasında təmsil olunub. Bu tarixi səfər Bəşər Əsəd rejiminin süqutundan sonra Suriyanın beynəlxalq təcriddən çıxması və diplomatik əlaqələrin bərpası üçün mühüm addımdır. Səfərin əsas məqsədi Suriyaya qarşı tətbiq edilən beynəlxalq sanksiyaların ləğvinə nail olmaq və ölkənin yenidən qurulması üçün xarici investisiyaları cəlb etməkdir. Baku TV-nin reportajında Əl-Şaraanın dünya liderləri ilə görüşləri, Dəməşqin yeni xarici siyasət kursu və bu səfərin Yaxın Şərqdəki güc balansına təsirləri ətraflı təhlil edilir. Diplomatik mənbələr bu səfəri Suriyanın dünya birliyinə reinteqrasiyasının ən mühüm mərhələsi kimi qiymətləndirirlər.