Suriyada müxalif qüvvələr hava limanına daxil oldu | Əsəddən baş verənlərə reaksiya

İdlib və Hələbdən sonra Suriyada müxalif qüvvələr Həmaya doğru irəliləyir.

Təl-Rifata daxil olan Suriya Milli Ordusu şəhərə nəzarəti ələ keçirib. Həmçinin strateji əhəmiyyətli Menağ Hava Limanı da nəzarət altına alınıb.

Bu hadisələr regionda güc balansını müxalifətin xeyrinə dəyişir. Digər tərəfdən, Rusiya döyüş təyyarələri silahlıların irəliləyişini dayandırmaq üçün Hələb və İdlibi bombalayırlar.

2020-ci ildə hökumət qüvvələrinin hücumlarından sonra müxalifət qüvvələri Həmanın şimalındakı bölgələrdən geri çəkilməli olmuşdu. İndi Astana razılaşması çərçivəsində onlar bu torpaqlara nəzarəti geri alırlar.

Bu arada, Suriya Prezidenti Bəşər Əsəd Dəməşqdə İranın xarici işlər naziri Abbas Araqçi ilə görüşüb. Məlumata görə, görüşdə Bəşər əsəd terrorizmlə mübarizədə müttəfiqlərin dəstəyinin vacibliyini vurğulayıb. İranlı nazir isə bildirib ki, Suriya keçmişdə olduğu kimi terrorçuları məğlub edəcək. Onun sözlərinə görə, terrorçuların son günlər aktivləşməsi düşmənlərin Yaxın Şərqin sabitliyi və təhlükəsizliyinə qarşı sui-qəsdin bir hissəsidir.