Suriyada vahid mərkəz yaradılacaq | Türkiyə MN məlumat yaydı

Suriyada beş dövlətin iştirakı ilə terrorla mübarizə çərçivəsində vahid əməliyyat mərkəzi yaradılacaq.

Türkiyə Milli Müdafiə Nazirliyinin yaydığı məlumata görə, 2025-ci il martın 9-da İordaniyada Türkiyə, İraq, Suriya və Livanın iştirakı ilə nazirlər səviyyəsində keçirilən görüş zamanı məsələ ilə bağlı sözügedən mövzuda razılıq əldə olunub.

“Beş iştirakçı ölkə İŞİD terror təşkilatı başda olmaqla Suriyanın terrorla mübarizəsinə dəstək istiqamətində razılığa gəlib. Ölkənin yeni hökumətinin tələbləri əsasında həmin dövlətlərin birgə səyi ilə vahid əməliyyat mərkəzinin yaradılmasına qərar verilib. Hazırda bu istiqamətdə işlər görülür”, – deyə məlumatda bildirilib.

Həmçinin o da vurğulanıb ki, Türkiyə Suriyanın ərazi bütövlüyünün qorunması, sabitlik və təhlükəsizliyinin təmin edilməsinə böyük əhəmiyyət verir.