Təbii qazın nəqli prosesi hələ də ləngiyir

Rusiya neftini Şərqi Avropa ölkələrinə tədarük edən zədələnmiş "Drujba" boru kəməri aprelin sonuna qədər bərpa olunacaq.

Bu barədə Ukrayna Prezidenti Volodimir Zelenski yerli televiziya kanalına müsahibəsində bildirib.

Onun sözlərinə görə, kəmər aprelin sonuna qədər istifadəyə hazır olacaq. Lakin bu müsahibənin dəqiq nə vaxt qeydə alındığı hələ də məlum deyil.

Xatırladaq ki, aprelin əvvəlində Zelenski artıq ayın sonunu kəmərin ilkin bərpa tarixi kimi göstərmişdi.

Qeyd edək ki, Macarıstanda keçirilən parlament seçkilərinin qalibi Peter Madyar Zelenskini təmir işləri başa çatdıqdan sonra boru kəmərini mümkün qədər tez açmağa, Rusiyanı isə bu marşrut üzrə neft tədarükünü bərpa etməyə çağırıb. Ukraynanın dövlətə məxsus enerji şirkəti "Naftogaz" isə hazırda qaz axınının bərpasının dəqiq tarixi ilə bağlı şərh verməkdən çəkinir.