Tehranın son sözü nə olacaq? | Danışıqlar bərpa olunur? - Baku TV

Pakistan hələ də İrandan ABŞ ilə növbəti danışıqlar raundunda iştirakla bağlı rəsmi cavab gözləyir.

Bu barədə Pakistanın informasiya və teleradio yayımı naziri Attaullah Tarar bəyanat verib.

Onun sözlərinə görə, İslamabad diplomatiya və dialoq kursuna sadiq qalmaqda davam edir, lakin qeyd edib ki, iki həftəlik atəşkəs rejiminin tezliklə başa çatması fonunda İranın qərarı həlledici əhəmiyyət daşıyır.

“Mənim nümayəndələrimlə tezliklə danışıqlar aparacaq İran liderlərinə xitab edirəm: bu qadınları azadlığa buraxsanız, mən bunu çox yüksək qiymətləndirərdim. Əminəm ki, onlar sizin bunu etməyinizi çox ehtiramla qarşılayacaq. Xahiş edirəm, onlara ziyan verməyin. Bu danışıqlar üçün çox gözəl başlanğıc olar”.

Belə bir açıqlama ilə isə ABŞ Prezidenti Donald Tramp çıxış edib. O, İrandan ölüm cəzasına məhkum edilən 8 qadının azad olunmasını xahiş edib. Ağ Ev rəhbəri bu barədə “Truth Social” hesabında yazıb.