Tramp Pekinin Tehrana göstərdiyi dəstək məsələsinə münasibət bildirdi - Baku TV
ABŞ Prezidenti Donald Tramp bildirib ki, Amerika tərəfi İranla danışıqlar zamanı onun ərazisindən nüvə yanacağının və digər radioaktiv materialların çıxarılmasını müzakirə edir.
Bu barədə o, "Fox News" telekanalına müsahibəsində danışıb.
"Məsələ burasındadır ki, mənim "nüvə tozu" adlandırdığım şeyi götürməyimiz lazımdır, başa düşürsünüz? Ancaq biz bu "nüvə tozu"nu götürməliyik. Biz bunu etməyə hazırlaşırıq və bu, İranla danışıqlarımızın bir hissəsidir. Biz onun onlarda qalmasını istəmirik", – deyə o bildirib.
ABŞ Prezidenti qeyd edib ki, o, 2025-ci ilin iyununda İranın atom sənayesi obyektlərinə endirilən zərbələr zamanı, demək olar, tamamilə məhv edilmiş digər materialları "nüvə tozu" adlandırır.
Tramp həmçinin Çinin İrana müəyyən dəstək göstərdiyini ehtimal etdiyini bildirib. Onun sözlərinə görə, Pekin daha geniş dəstək verə bilərdi, lakin hazırkı vəziyyət onu ciddi şəkildə narahat etmir.
Çinin Xarici İşlər Nazirliyi isə bu iddiaları rədd edərək hərbi yardımla bağlı ittihamları qəbul etməyib.
#Donald Tramp teqi istifadə olunub
- Trampa qarşı növbəti sui-qəsd cəhdi: Səbəb nədir? | Siyasi şərhçidən açıqlama - Baku TV
- Vaşinqtondakı atışmanın İran əməliyyatı ilə əlaqəsi var? - Baku TV
- İlon Maskdan Vaşinqtondakı insidentə münasibət - Baku TV CANLI
- Tramp Vaşinqtondakı atışmanın İran əməliyyatı ilə əlaqəli olduğuna inanmır - Baku TV CANLI
- İlham Əliyev Vaşinqtondakı silahlı insidenti pislədi - Baku TV
