Tramp Şərqə hücum qrupu göndərir?

12 fevral 2026 254 baxış

Oman hakimiyyəti danışıqların birinci mərhələsi başa çatdıqdan sonra ABŞ-dən İran tərəfinə bir neçə mesaj çatdırıb.

Bu barədə İranın Ali Milli Təhlükəsizlik Şurasının katibi Əli Laricani məlumat verib.

"Biz amerikalılara heç bir məktub göndərmədik, amma Omandakı dostlarımız ABŞ-dən bizə bəzi mesajlar ötürdülər və biz onları Tehranda öyrənəcəyik", – deyə Laricani Oman və Qətərə səfər etdikdən sonra İran dövlət televiziyasında bildirib.

Qeyd edək ki, fevralın 6-da Omanda İran və ABŞ arasında nüvə proqramı ilə bağlı böhranın həlli istiqamətində danışıqların yeni mərhələsi baş tutub. İran nümayəndə heyətinə xarici işlər naziri Abbas Əraqçi, Amerika nümayəndə heyətinə isə Prezidentin xüsusi elçisi Stiv Uitkoff rəhbərlik edib.

Əlavə edək ki, ABŞ Prezidenti Donald Tramp bildirib ki, danışıqlar nəticəsiz qalacağı təqdirdə, İrana qarşı mümkün hərbi əməliyyatlar üçün Yaxın Şərqə ikinci təyyarədaşıyan gəmi qrupunun göndərilməsini nəzərdən keçirir.

#İran