Trampdan İran barədə təcili tapşırıq | Məni qətlə yetirməyə çalışanlar onlar idi

Amerika lideri Donald Tramp İrana maksimum təzyiqi bərpa etməyi nəzərdə tutan sərəncam imzalayıb.

Bu barədə Ağ Evin mətbuat xidməti məlumat yayıb.

“Ümid edək ki, bundan tez-tez istifadə etməyəcəyik”, – deyə Tramp vurğulayıb.

O, sərəncama imza atandan sonra sənədin əks-təsirinin ürəkaçan olmayacağını da istisna etməyib. Tramp sui-qəsdə məruz qalacağı təqdirdə İranın “məhv edilməsi” üçün “təlimatlar buraxdığını” dilə gətirib.

O, bir neçə müəmmalı məqama da aydınlıq gətirib.

ABŞ Prezidenti qeyd edib ki, ona qarşı daha öncə sui-qəsd hazırlayanlar İranın elit hərbi birliyi İslam İnqilabı Keşikçiləri Korpusu tərəfindən xüsusən təyin edilən şəxslər olub:

“Əgər onlar buna cürət etsəydilər, məhv ediləcəkdilər. Bu, son olardı. Lazımi təlimatları buraxdım. Bunu edərlərsə, məhv olacaqlar. Onlardan heç nə qalmayacaq. Bunu hələ Bayden hakimiyyətdə ikən etməli idi, amma etmədi”.

Əslində, bu, bir növ hədə kimi səslənir. Çünki ekspertlərin fikrincə, prezident ölümündən sonra hərbi əməliyyatlara dair göstərişlər buraxa bilməz. Bu qərarı daha sonra baş komandan olacaq onun varisi verə bilər.