Trampın təklifini qəbul edin... | İsrail müdafiə nazirindən sərt xəbərdarlıq
İsrailin müdafiə naziri İsrael Kats fələstinliləri girovların azad olunmayacağı və HƏMAS-ın anklavdan qovulmayacağı təqdirdə Qəzza zolağını tamamilə dağıdacağı ilə hədələyib.
O bu barədə qurumun mətbuat xidmətinin yaydığı videomüraciətdə bildirib.
“Bütün israilli girovlar azad olunmasa və HƏMAS Qəzzadan çıxarılmasa, İsrail indiyə qədər görmədiyiniz qüvvələrdən istifadə edəcək. ABŞ Prezidenti Donald Trampın təklifini qəbul edin, girovları geri qaytarın və HƏMAS-ı qovun. İstəyənlər üçün dünyanın başqa yerlərində məskunlaşma da daxil olmaqla qarşınızda digər imkanlar yaranacaq. Bunun alternativi tamamilə dağıtmaq və məhv etməkdir”, – deyə İ.Kats söyləyib.
Bundan əlavə, müdafiə naziri Qəzza zolağında hərbi əməliyyatların aparıldığı bölgələrdən əhalinin təxliyəsinə tezliklə başlanılacağını açıqlayıb.
“İsrailin HƏMAS terrorçularına qarşı hava zərbələri yalnız ilk addım idi. Davamı daha ağır olacaq və əvəzini tam ödəyəcəksiniz”, – deyə İ.Kats xəbərdarlıq edib.
#ABŞ teqi istifadə olunub
- Trampla yaşanan gərginlik Meloninin reytinqini yüksəltdi
- İran üçün maliyyə qapıları açılır: Yeni reallıq regionu necə dəyişəcək? - AKTUAL GÜNDƏM
- Vaşinqtonda Qərbi azərbaycanlılarla bağlı məsələ müzakirə ediləcək | BTQ-dən məlumat - Baku TV
- ABŞ və İran daimi sülh üzrə razılaşıb, yoxsa regionu yeni gərginlik gözləyir? - Baku TV CANLI
- ABŞ "Titanik"dən çıxarılan əşyaların hərracda satışının qarşısını almağa çalışır
