Türkiyə kəşfiyyatından uğurlu əməliyyat

Türkiyə Milli Kəşfiyyat Təşkilatının Suriyada PKK terror təşkilatına qarşı əməliyyatları davam edir.

Məlumata görə, Suriyanın Sirrin bölgəsində keçirilən əməliyyatla PKK-nın maliyyə koordinatoru Tuba Karakoç zərərsizləşdirilib.

Qeyd edək ki, Tuba Karakoç 2013-cü ildə PKK-ya qoşularaq Türkiyə, İraq və Suriyanın bir çox bölgələrində fəaliyyət göstərib. Türkiyə tərəfindən axtarışda olan Tuba Karakoçun terror təşkilatının maliyyə işləri ilə bağlı tez-tez İraqa getməsi də müəyyən edilib. Bu səbəbdən onunla bağlı əməliyyat planı hazırlanıb.