Türkiyə kəşfiyyatından PKK-ya zərbə

Türkiyənin Milli Kəşfiyyat Təşkilatı Şimali İraqda PKK-ya qarşı həyata keçirdiyi əməliyyat çərçivəsində terror qruplaşmasının bir neçə üzvünü zərərsizləşdirib.

Əməliyyat nəticəsində PKK-nın rəhbər şəxslərindən biri, “Devrim Qarzan” kod adlı Bilal Onat və onun silahdaşlarından “Sidar Amed” kod adlı Mazlum Yılmaz məhv edilib. Bilal Onatın PKK terror təşkilatının Avaşin bölgəsindəki qruplaşmasının üzvü olduğu bildirilir.

Digər tərəfdən, Türkiyə Silahlı Qüvvələrinin əməliyyatı ilə PKK-nın Zap bölgəsindəki döyüşlərinə başçılıq edən “Serzan Mava” kod adlı Fərid Yüksəl də gizləndiyi mağarada zərərsizləşdirilib.