Türkiyə Prezidentindən önəmli görüş | Nələr müzakirə edildi?
Türkiyə Prezidenti Rəcəb Tayyib Ərdoğan Sinqapurun Baş naziri Lourens Vonqu qəbul edib.
Bu barədə məlumat Türkiyə Prezident Administrasiyasının Kommunikasiya İdarəsinin "X" sosial şəbəkə hesabında paylaşılıb.
Görüş zamanı Türkiyə-Sinqapur ikitərəfli münasibətləri, eləcə də regional və qlobal gündəmdə yer alan məsələlər müzakirə olunub.
Ərdoğan Türkiyə ilə Sinqapur arasında əməkdaşlığın daha da dərinləşdirilməsinin vacibliyini vurğulayaraq, müdafiə sənayesi, logistika, aviasiya, dənizçilik və maliyyə sahələri başda olmaqla, bir çox istiqamətlərdə əlaqələrin inkişaf etdirilməsi üçün səylərin davam etdiriləcəyini bildirib.
Türkiyə lideri həmçinin qeyd edib ki, Ankara İran və ABŞ arasında davamlı sülhün təmin olunması məqsədilə intensiv diplomatik fəaliyyət həyata keçirir. O, Hörmüz boğazında gəmiçilik və naviqasiya azadlığının qorunmasının əhəmiyyətini vurğulayaraq, Türkiyənin qardaş ölkələrlə birlikdə prosesə töhfə verməyə davam edəcəyini bildirib.
#Türkiyə teqi istifadə olunub
- Kallas jurnalistin Türkiyə ilə bağlı təxribatçı sualına sərt cavab verdi
- Yaxın Şərqdə yeni dövr: Türkiyənin liderliyində yeni nizam formalaşır? - AKTUAL GÜNDƏM
- Ankara Avropa Parlamentinin sanksiya təşəbbüsünə etiraz edib
- Ankarada sel həyatı iflic etdi
- 65 milyon dollarlıq narkotik maddə müsadirə edildi
