Türkiyə XİN "ALTURA" ilə bağlı bəyanat verdi - Baku TV
Qara dənizdə türk tankerinə edilən dron hücumu ilə bağlı Türkiyənin Xarici İşlər Nazirliyi açıqlama yayıb.
Nazirlik açıqlamasında xam neft daşıyan, “ALTURA” adlı, Sierra Leone bayrağı altında üzən və türk şirkəti tərəfindən işlədilən tankerin bu gün Qara dənizdə məruz qaldığı hücumu böyük narahatlıqla qarşıladığını bildirib.
Mətndə deyilir: “Hücumla bağlı müvafiq qurumlarımız tərəfindən zəruri araşdırmalar və texniki müdaxilələr aparılır. Gəmidə olan 27 nəfərlik türk heyətinin sağlamlıq vəziyyətinin yaxşı olduğu öyrənilib. Qara dənizdəki Müstəsna İqtisadi Zonamız daxilində baş verən və beynəlxalq hüquqa zidd olan bu və buna bənzər hücumlar bölgədə insan həyatı, əmlak, naviqasiya və ətraf mühit təhlükəsizliyi baxımından ciddi risklər yaradır. Müharibənin Qara dəniz akvatoriyasına yayılmasının və daha da gərginləşməsinin qarşısını almaq məqsədilə aidiyyəti tərəflərlə təmaslarımızı davam etdiririk”.
Bildirilib ki, bu çərçivədə, Türkiyə ölkənin bölgədəki iqtisadi maraqlarını və fəaliyyətlərini qorumaq məqsədilə beynəlxalq qanunlar əsasında zəruri tədbirlər görmək hüququnu da qorumaqdadır.
#Türkiyə Xarici İşlər Nazirliyi teqi istifadə olunub
- Hakan Fidandan İsraillə bağlı sərt çıxış - Baku TV
- Görüşdə nələr müzakirə olundu? | Türkiyə nəyə qarşıdır? - Baku TV
- 1915-ci il hadisələrinə dair verilən bəyanatlara Türkiyə XİN-dən cavab - Baku TV
- Sülhün tezliklə imzalanacağına ümid edirik | Hakan Fidan - Baku TV CANLI
- “Suriyada idarəetmə modeli xalqın dəstəyini qazanmalıdır” | Hakan Fidan
