Ukrayna müharibədə təkləndi | Bayden Rusiyadan niyə çəkinir?

“ABŞ Prezidenti Cozef Bayden Rusiyadan ehtiyat edir”.

Belə bir məlumatla “New York Post” nəşri çıxış edib. Xəbərdə qeyd olunur ki, amerikalı lider rəsmi Moskvanın nüvə ilə bağlı mövqeyindən qorxaraq Ukraynanı lazımi silahlarla təmin etməyib.

Qeyd edək ki, bundan əvvəl ABŞ Ordusunun Avropadakı keçmiş komandanı Ben Hodces ölkə başçısının Ukraynaya yardım etmək üçün 50 ölkəni koalisiyada birləşdirərək münaqişədə uğur qazandığını lakin, eyni zamanda iki səhvə yol verdiyini vurğulayıb. Onun sözlərinə görə, Bayden Ukraynanı dəstəkləməkdə əsas məqsədinin nə olduğunu bildirməməklə yanlış addım atıb.

Ben Hodces onu da vurğulayıb ki, Ağ Ev lideri Rusiyanın Ukraynadakı əməliyyatlarını daha da genişləndirməsindən və nüvə silahından istifadə etməsindən həddindən artıq qorxur.