Ukrayna Rusiyaya PUA-larla zərbələr endirdi | Hərbi zavoda ziyan dəydi

“Rusiyanın Voronej vilayətinə pilotsuz uçuş aparatı ilə endirilən zərbə nəticəsində aviasiya texnikasının istehsalı ilə məşğul olan zavodun əsas istehsalat sahəsi sıradan çıxarılıb”.

Bu barədə Ukrayna mətbuatında məlumat verilib.

Bildirilib ki, hadisə aprelin səkkizindən doqquzuna keçən gecə baş verib. Məlumata görə, Borisoqlebsk Aviasiya Tədris Mərkəzi Ukrayna Silahlı Qüvvələri tərəfindən vurulub.

Ukrayna Baş Kəşfiyyat İdarəsinin rəsmi nümayəndəsi Andrey Yusov da xəbəri təsdiqləyib. O, əməliyyatın detallarını açıqlamasa da, deyib ki, müəssisənin istehsal gücünə əhəmiyyətli dərəcədə ziyan dəyib.