Yəhya Sinvarın qətlə yetirilməsi ilə bağlı yeni faktlar üzə çıxdı | Dəhşətli detallar

HƏMAS hərbi qruplaşmasının siyasi bürosunun rəhbəri Yəhya Sinvarın öldürülməsi ilə bağlı yeni faktlar üzə çıxıb.

Belə ki, liderin ölümü zamanı onun üzərindən BMT-nin Fələstinli Qaçqınlara Yardım və İşlərin Təşkili üzrə Yaxın Şərq Agentliyinin (UNRWA) əməkdaşının pasportu aşkar edilib.

Xarici medianın yaydığı məlumata görə, Sinvarın şəxsi əşyaları arasında "Mentos" saqqızları və 40 min şekel, yəni təxminən 10,7 min dollar məbləğində pul, AK-47 və alışqan da tapılıb.

Xatırladaq ki, Yəhya Sinvar oktyabrın 16-da İsrail ordusunun Qəzza zolağının cənubunda keçirdiyi əməliyyat zamanı məhv edilib. SAXAL onun Xan Yunis və Rəfahdakı HƏMAS tunellərində gizləndiyini, bir yerdə çox uzun müddət qalmadığını və kommunikasiya texnologiyalarından qaçaraq yalnız messencerlərə arxalandığını güman edir.