Yeni Kaledoniyanın deputatı Makrona etiraz olaraq müraciət ünvanladı

Yeni Kaledoniya parlamentinin üzvü, “Proqressiv Multikultural Yeni Kaledoniya” siyasi təşkilatının sədri Maria İsabella Saliqa-Lutovika Fransa Prezidenti Emmanuel Makronun adaya səfərinə etiraz olaraq ona müraciət ünvanlayıb.

Məktubda E.Makronun seçki kütləsinin genişləndirilməsi ilə bağlı qanunsuz qərarının kanak xalqında qəzəbə səbəb olduğu, ada sakinlərinin dekolonizasiya ilə bağlı dəfələrlə qaldırdığı haqlı tələbinə Fransanın yüksəkvəzifəli şəxslərinin nifrət və təkəbbürlə yanaşdığı bildirilib.

Bu yanaşma ilə Fransanın Yeni Kaledoniyanın “koloniya status-kvosu”nu saxlamaq istədiyi vurğulanır

Maria İsabella qeyd edib ki, Emmanuel Makron Yeni Kaledoniyanı yenidən koloniyaya çevrilməsini konstitusionallaşdıran prezident kimi Fransa tarixinə düşəcəyini zənn etsə də, kaledoniyalılar talelərinin həddini aşmış və əcaib siyasi oyununun qurbanı olması ilə razılaşmayacaqlar.

O, Fransanın və ələlxüsus E.Makronun Yeni Kaledoniyada baş verən faciəyə görə məsuliyyət daşıdığını bildirir, bu xüsusda qətlə yetirilmiş kanaklara diqqət çəkir.

Fransa hökumətinin dəstəyi ilə təşkil edilmiş milislər tərəfindən gənc kanakların öldürüldüyü, həmin milislərin Fransa hüquq-mühafizə orqanları tərəfindən dəstəkləndiyini vurğulayan xanım Saliqa-Lutovika həmin milislərin ölkədə irqi düşmənçiliyə yol açdıqlarını qeyd edir.

Hazırda baş vermiş faciə nəticəsində zərər çəkmiş kanaklar üçün “Yeni Kaledoniyada 2024-cü ilin may ayındakı iğtişaşların qurbanları Kollektivi”nin yaradıldığını bildirən xanım deputat Fransa dövlətindən törədilənlərə görə təzminatın tələb ediləcəyini vurğulayır.