Yerə ən yaxın qalaktikaların birində görün nə aşkarlandı

Alimlər bizə ən yaxın qalaktikalardan biri olan Böyük Magellan Buludunda superkütləli qara dəliyin mövcudluğuna dair inandırıcı dəlillər tapıblar.

Tədqiqatçılar qalaktikamızın kənarındakı 21 ulduzun hərəkətini tədqiq ediblər. Bu ulduzlar çox böyük sürətlə hərəkət etdikləri üçün Süd Yolunu tərk edəcəklər. Belə obyektlərə hipersürətli ulduzlar deyilir.

Məlum olub ki, onların təxminən yarısı Süd Yolunun mərkəzi qara dəliyi, digər yarısı isə Böyük Magellan Buludunda əvvəllər məlum olmayan nəhəng obyekt tərəfindən atılıb.

Alimlər kəşf ediblər ki, hipersürətli ulduzlar ikili ulduz sistemi superkütləli qara dəliyə yaxınlaşdıqda doğulur. Onun güclü cazibə qüvvəsi sistemi parçalayır: bir ulduz qara dəliyin ətrafında orbitdə qalır, digəri isə böyük sürətlə kosmosa atılır.