Pleyeri seçin:
Yuxuda ünsiyyət qurmaq mümkün olacaq?
ABŞ-nin “REMSpace” texnologiya startapı aydın yuxu vasitəsilə iki nəfər arasında ünsiyyət qurmağın mümkünlüyünü iddia edir.
Şirkət bu nailiyyəti başa bərkidilən və “WiFi” vasitəsilə serverə qoşulan xüsusi cihazın köməyi ilə həyata keçirdiklərini bildirib.
Təcrübədə iki könüllü iştirak edib. Onlar aydın yuxu vəziyyətində olarkən hər birinə ayrı-ayrılıqda gizli bir söz çatdırılıb.
Şirkətin məlumatına görə, cihaz vasitəsilə iştirakçıların beyin dalğaları və ürək döyüntüləri izlənilib. Müəyyən edilib ki, ikinci iştirakçı yuxu vəziyyətində aldığı mesajı ayıldıqdan sonra düzgün şəkildə təkrar edib.
“REMSpace” bu nailiyyəti “ilk yuxu söhbəti” adlandırır. Şirkətin baş direktoru Maykl Raduqa texnologiyanın elm dünyasında inqilabi bir dönüş nöqtəsi ola biləcəyini vurğulayıb.
Kopyalandı
Seçilmişlər
