Zelenski Kupyansk şəhərindən video paylaşdı

Ukrayna Prezidenti Volodimir Zelenski Kupyansk şəhərindən video paylaşıb və bu istiqamətdə mövqelərin qorunduğunu bildirib.

Onun sözlərinə görə, Rusiya tərəfinin Kupyanskın ələ keçirilməsi ilə bağlı iddialarına baxmayaraq, bu məlumat həqiqətə uyğun deyil:

“Bu gün Kupyansk istiqamətində əsgərlərimiz Ukrayna üçün müsbət nəticələr əldə edirlər. Rusiya tərəfi iddia edirdi ki, guya Kupyanskı ələ keçiriblər və bölgə onların nəzarətindədir. Biz bunun belə olmadığını sübut etdik”.

“Pokrovsk şəhərinin müdafiəsi ordumuz tərəfindən davam etdirilir”.

Bu barədə isə Ukrayna Silahlı Qüvvələrinin Baş Komandanı Aleksandr Sırski bildirib.

O həmçinin Mirnoqrad şəhərinin mühasirədə olmadığını və Ukrayna Ordusunun Kupyansk şəhərində Rusiya Silahlı Qüvvələrinin bölmələrinə qarşı uğurlu əks-diversiya əməliyyatı apardığını qeyd edib.

Bu arada Volodimir Zelenski dekabrın 15-də Almaniyaya səfər edəcək. O, Berlində Almaniya Kansleri Fridrix Mertslə bir araya gələcək.

Görüşdə Böyük Britaniya, Fransa, Polşa və İtaliya nümayəndələrinin də iştirakı gözlənilir. ABŞ nümayəndələrinin bu görüşə qatılıb-qatılmayacağı hələlik məlum deyil.