Zelenskidən İran xalqına sərt müraciət

Ukrayna Prezidenti Volodimir Zelenski İran vətəndaşlarından niyə “şər dövlətin tərəfində olduqlarını” soruşub. O, bu barədə videomüraciətində bildirib.

Rusiya terrorunun silahlarından biri – İranın “Şahed” pilotsuz uçuş aparatları barədə danışan V.Zelenski qeyd edib ki, bu gün Ukrayna əsgərləri 900-ə yaxın belə PUA-nı vurub:
"Ümumilikdə, Ukraynaya qarşı təxminən 1160 “Şahed”dən istifadə edilib. Biz onların əksəriyyətini məhv etmişik. Mən İran xalqına müraciət edirəm. Niyə Rusiya terrorunun şəriki olmalısınız? Niyə şər dövlətin tərəfindəsiniz? Dünya baş verənləri görür. Biz İranın “Şahed” pilotsuz uçuş aparatlarının əksəriyyətini vursaq da, PUA-ların zərbələri hələ də dəqiq olur. İrandakı analar və atalar, ölkənizin pilotsuz təyyarəsi ukraynalı hamilə qadını evində öldürüb, bu sizin nəyinizə lazımdır?”.

V.Zelenski ümid etdiyini bildirib ki, İran heç olmasa onun bu müraciətindən sonra cinayətkar Rusiyaya PUA-larının ötürülməsini dayandıracaq.