Pleyeri seçin:
Zelenskidən müharibə ilə bağlı xəbərdarlıq
"Rusiya qoşunları artıq Ukrayna ərazisinə yeni kütləvi zərbə endirməyə hazırlaşır".
Bunu Ukrayna Prezidenti Volodimir Zelenski axşam müraciətində deyib.
"Bu günlərdə daha da diqqətli olmaq lazımdır. Rusiya kütləvi zərbəyə hazırlaşıb və onu endirmək üçün anı gözləyir. Xahiş edirəm, bütün hava həyəcan siqnallarına diqqət yetirin. Hər bir vilayətdə insanlara dəstək vermək və operativ reaksiya göstərmək üçün tam hazırlıq olmalıdır", – deyə o vurğulayıb.
Qeyd edək ki, Ukrayna Prezidenti hələ yanvarın 16-da Rusiyanın Ukraynaya yeni kütləvi zərbələrə hazırlaşdığını bəyan etmişdi. Onun sözlərinə görə, bu barədə məlumatı Ukrayna kəşfiyyatı əldə edib. Yanvarın 18-də isə Volodimir Zelenski tərəfdaşlara müraciət edərək Ukraynanın daha çox müdafiəyə ehtiyacı olduğunu bildirib. Bu əsasən hava hücumundan müdafiə sistemləri üçün yeni raketlərə aiddir.
Kopyalandı
Seçilmişlər
