Qırmızı işıqdan keçən avtomobil qəza törədib
Yasamal rayonunda 2 avtomobilin iştirakı ilə yol-nəqliyyat hadisəsi baş verib.
Qəza Mətbuat prospektində qeydə alınıb.
Vüqar Əmircanov idarə etdiyi “Lada Priora” markalı avtomobil ilə işıqforun yaşıl işığında hərəkətdə olarkən yol kəsişməsində işıqforun qırmızı işığında yoluna davam edən “Tofaş” markalı nəqliyyat vasitəsi ona çırpılıb.
Zərbənin təsirindən “Tofaş” yol ortasındakı arakəsməyə və eləcə də, yol hərəkət nişanına dəyib. Bu zaman yol infrastukturuna ziyan dəyib.
Hadisə zamanı xəsarət alan olmayıb, hər iki avtomobil isə deformasiyaya uğrayıb.
Məlumata görə, “Tofaş” markalı avtomobilin sürücüsünün nəqliyyat vasitəsinə dair sənədləri olmayıb.
Əraziyə Yasamal Rayon Polis İdarəsinin və DYP əməkdaşları cəlb edilib.
Faktla bağlı araşdırma aparılır.
Kamil Əmirli
Elşad Mətləboğlu