Nasazlıq yaranan avtomobilin sürücüsü qəza törədib

Paytaxtın Nərimanov rayonunda yol-nəqliyyat hadisəsi baş verib.

Qəza Heydər Əliyev prospektinin rayon ərazisinə düşən hissəsində qeydə alınıb.

“Opel” markalı nəqliyyat vasitəsində nasazlıq baş verib. Bu zaman sürücü idarəetməni itirib. Avtomobil əsas və köməkçi yolun ortasındakı arakəsməyə çırpılıb.

Hadisə nəticəsində avtomobilin yanacaq çəninə və motor hissəsinə ziyan dəydiyindən nəqliyyat vasitəsindəki benzin və yağ yola dağılıb.

Qəza zamanı xəsarət alan olmasa da, avtomobil deformasiyaya uğrayıb.

Əraziyə Nərimanov Rayon DYP əməkdaşları cəlb edilib.

Hadisənin təfərrüatı araşdırılır.

Kamil Əmirli

Elşad Mətləboğlu