Qayda pozan motosikletin sürücüsü qəza törədərək xəsarət alıb

Nəsimi rayonunda 3 nəqliyyat vasitəsinin iştirakı ilə yol qəzası baş verib.

Hadisə metronun “Memar Əcəmi” stansiyasının yaxınlığında qeydə alınıb.

Hüseynbala Əliyev küçəsilə hərəkətdə olan motosikletin sürücüsü yol hərəkəti qaydasını pozaraq əks yola çıxıb.

Bu zaman nəqliyyat vasitəsi qarşıdan gələn “Dongfeng”, daha sonra “Renault” markalı avtomobillərə çırpılıb.

Hadisə zamanı motosikletin sürücüsü xəsarət alıb.

Xəstəxanaya yerləşdirilən sürücüyə qapalı kəllə-beyin travması diaqnozu qoyulub.

Əraziyə Nəsimi Rayon Polis İdarəsinin əməkdaşları cəlb edilib.

Faktla bağlı araşdırma aparılır.

Kamil Əmirli

Elşad Mətləboğlu