Nərimanovda 2 avtomobil toqquşub

Axşam saatlarında Bakının Nərimanov rayonunda yol qəzası baş verib.

Fətəli Xan Xoyski küçəsi ilə hərəkətdə olan 90 SR 823 dövlət nömrə nişanlı “Nissan” markalı avtomobillə, 44 CA 843 dövlət nömrə nişanlı “Lada” markalı avtomobil toqquşub.

“Nissan”ın sürücüsü İqbal Ismayılovun dediyinə görə, o öz yolu ilə hərəkət edərkən, “Lada”-nın sürücüsü işıqforun qırmızı işığına məhəl qoymayaraq hərəkətini davam etdirib. Nəticədə qəza baş verib.

Məlumata görə, “Lada”-nın sürücüsünün sükan arxasında ürəyi sancıb. Nəticədə qəza baş verib.

Hadisə nəticəsidə maşınlar deformasiyaya uğrayıb. Əraziyə DYP əməkdaşları cəlb olunub.

Qəzanın dəqiq hansı səbəbdən baş verməsi araşdırılır.

Kamil Əmirli

Elşad Mətləboğlu