Hadisə
Pleyeri seçin:
Qaydanı pozan sürücü qəza törətdi
Paytaxtın Nərimanov rayonunda 2 avtomobilin iştirakı ilə yol qəzası baş verib.
Hadisə rayonun Əhməd Rəcəbli və Albert Aqarunov küçələrinin kəsişməsində qeydə alınıb. Məhərrəmov Anar Şamil oğlu 05 BG 330 dövlət nömrə nişanlı “Opel” markalı minik avtomobili ilə Əhməd Rəcəbli küçəsilə hərəkətdə olarkən 99 FR 330 dövlət qeydiyyatlı “BMW” markalı avtomobillə toqquşub.
Məlumata görə, “BMW”-nin sürücüsü dairəvi yolda yol ver nişanının tələbini pozub. Nəticədə, qəza baş verib. Hadisə nəticəsində “Opel” markalı avtomobildə olan sərnişin xəsarət alıb.
“BMW” markalı avtomobilin sürücüsünün şəxsiyyəti hələlik məlum deyil.
Faktla bağlı Nərimanov Rayon Polis İdarəsində araşdırma aparılır.
Kamil Əmirli
Elşad Mətləboğlu
Kopyalandı
Seçilmişlər