Qadını qohumları, kişini dostu döydü
Gecə saatlarında Bakıda müxtəlif ərazilərində döyülmə hadisəsi baş verib.
Paytaxtın Ramana qəsəbəsində ailə daxilində yaranan mübahisə 1 nəfərin xəsarət alması ilə nəticələnib. 41 yaşlı Əhmədova Nəzakət Abbas qızı yaşadığı evin yaxınlığında qohumları tərəfindən döyülüb.
İlkin ehtimala görə, qohumlar arasında yaranan anlaşılmazlıq əlbəyaxa davaya çevrilib. Nəticədə qadın xəsarət alıb.
Yaralı xəstəxanaya çatdırılıb. Ona sol biləyin və sol budun əzilməsi diaqnozu qoyulur.
Digər döyülmə hadisəsi isə paytaxt restoranlarının birində yaranan dava zamanı qeydə alınıb.
Hadisə zamanı 34 yaşlı Nəsirov Mehman Səlim oğlu dostu tərəfindən döyülüb. Yaralı dərhal xəstəxanaya çatdırılıb. O, alın nahiyəsindən xəsarət alıb.
Yaralıya alının əzilmiş-kəsilmiş yarası diaqnozu qoyulub.
Hər iki faktla bağlı araşdırma aparılır.
Kamil Əmirli
Elşad Mətləboğlu