Xırdalanda 2 nəfəri avtobus vurub

Bakının Abşeron rayonunda 2 nəfərin yaralanmasına səbəb olan yol qəzası baş verib.

Xırdalan şəhərində baş verən yol-nəqliyyat hadisəsi nəticəsində avtobus 2 nəfəri vurub.

M.Ə.Rəsulzadə küçəsində 535 nömrəli marşut xətti üzrə hərəkət edən sərnişin avtobusu yolu keçmək istəyən 2002-ci il təvəllüdlü Cəfərov Saday Rövşən oğlu və 2004-cü il təvəllüdlü Mirzazadə Mərziyyə Sahib qızını vurub.

Yaralılar 1 saylı Kliniki Tibbi Mərkəzə yerləşdirilib. Mərziyyə Mirzazadənin vəziyyəti ağır olduğu bildirilir.

Faktla bağlı Abşeron Rayon Polis İdarəsində araşdırma aparılır.

Kamil Əmirli

Elşad Mətləboğlu