Lənkəranda qəzada 7 nəfər yaralandı

Lənkəranda 7 nəfərin xəsarət alması ilə nəticələnən yol qəzası baş verib.

Hadisə Lənkəran-Lerik yolunun Mollakənd kəndindən keçən hissəsində qeydə alınıb. Lerik rayonu istiqamətində hərəkətdə olan “UAZ” markalı 43 BA 721 dövlət qeydiyyat nişanlı avtomobil əks istiqamətdə hərəkətdə olan “VAZ 2106” markalı 10 GE 236 dövlət qeydiyyatlı avtomobillə toqquşub.

Nəticədə “UAZ”-da olan 3 nəfər və “VAZ 2106”-da olan 4 nəfər müxtəlif dərəcəli bədən xəsarətləri alaraq Lənkəran Rayon Mərkəzi Xəstəxanasına çatdırılıblar.

Onlardan ikisi Cəlilabad rayonunun Ağdaş kənd sakinləridir. “VAZ 2106” markalı avtomobildə olan Cəlilabad rayon sakinləri 31 yaşlı Abışov Rəşad İslam oğlu, 25 yaşlı Məmmədov Rəfi Xanverdi oğlu və “UAZ”-da olan sərnişin 23 yaslı Rzayeva Sahilə Müqəddəs qızı reanimasiya şöbəsinə yerləşdiriliblər.

“UAZ”-n sürücüsü 62 yaşlı Lerik rayon Davradibi kənd sakini Rzayev Müqəddəs Məhəmməd oğlu, onun həmkəndlisi 30 yaşlı Ağayev Elçin Xanhəsən oğlu, 27 yaşlı Lerik rayonu Zəriküməco kənd sakini Cabbarov Hafiz Həsənağa oğlu və 53 yaşlı Lerik şəhər sakini Rzayev Baləddin Sərhəng oğlu isə travmatologiya şöbəsinə yerləşdirilib. Yaralılara lazımi tibbi yardım göstərilib. Vəziyyətlərinin normal olduğu bildirilib.

Faktla bağlı araşdırma aparılır.