Avtobus kişini, maşın isə nənə və nəvəni vurub

Paytaxtın 2 müxtəlif ərazisində piyadaların xəsarət alması ilə nəticələnən yol-nəqliyyat hadisələri baş verib.

Sabunçu rayonu Zabrat 1 qəsəbəsində qeydə alınan qəza zamanı yolu keçmək istəyən piyada nənə və nəvəsini maşın vurub.

Qəza zamanı "Naz-Lifan" markalı minik avtomobili 1958-ci il təvəllüdlü Mahmudova Rübabə Kərim qızı və onun nəvəsi 5 yaşlı Həsənli Nurayı vurub.

Hər iki yaralı müxtəlif dərəcəli bədən xəsarətləri alaraq xəstəxanaya çatdırılıb.

Rübabə Mahmudovaya qolun sınması, Həsənli Nuraya isə qarının küt travması, üzün sıyrılmış yarası diaqnozu qoyulub. Azyaşlının vəziyyətinin ağır olduğu bildirilir.

Digər yol qəzası isə Nizami rayonunda baş verib.

8-ci mikrorayon bazarının yaxınlığında qeydə alınan hadisə zamanı 49 saylı xətt üzrə hərəkət edən avtobus yolu keçmək istəyən piyada 1963-cü il təvəllüdlü Əhmədova Nisə Adil qızını vurub.

Yaralı dərhal xəstəxanaya çatdırılıb. O, sol dirsəyindən xəsarət alıb. Yaralıya ilkin tibbi yardım göstərildikdən sonra ambulator müalicə üçün evə buraxılıb.

Baş verən hər iki faktla bağlı araşdırma aparılır.

Kamil Əmirli

Elşad Mətləboğlu