Pleyeri seçin:
Ağcabədidə 21 yaşlı qadının uşağı baxımsızlıqdan dünyasını dəyişib? - Baku TV
Zərdab rayon sakini Ləman Rəhimova hamiləlik sancıları ilə Ağcabədi Rayon Mərkəzi Xəstəxanasına aparılıb. Onun uşağı ölü doğulub.
Ağcabədi Rayon Mərkəzi Xəstəxanasından bildirilib ki, dekabrın 23-ü saat 19:15 radələrində 2004-cü il təvəllüdlü, hamiləliyi 39 həftə olan qadın Ağcabədi Rayon Mərkəzi Xəstəxanasının Doğum şöbəsinə hospitalizasiya olunub. Dekabrın 24-ü saat 08:30 radələrində ölü döl ana bətnindən xaric edilib.
Hazırda ananın müalicəsi Doğum şöbəsində davam etdirilir. Vəziyyəti stabil olaraq qiymətləndirilir.
Qeyd edək ki, dölün meyiti təşrih olunması üçün Məhkəmə-Tibbi Ekspertiza və Patoloji Anatomiya Birliyinə təhvil verilib. Təşrihin nəticəsindən asılı olaraq dölün ölümünün dəqiq zamanı və bilavasitə səbəbi haqqında rəy təqdim etmək mümkün olacaq.
Faktla bağlı araşdırma aparılır.
Kopyalandı
#Ağcabədi Rayon Mərkəzi Xəstəxanası teqi istifadə olunub
Seçilmişlər
