Anamın verdiyi tərbiyə ilə yaşayıram... | "TikToker" İlhamə Elşadqızı məhkəmədə ifadə verdi

Sosial şəbəkələrdə özünü şairə kimi təqdim edən, Elşadqızı təxəllüsü ilə tanınan İlhamə Əskərovanın cinayət işi üzrə məhkəmə hazırlıq iclası keçirilib.

Bakı Ağır Cinayətlər Məhkəməsinin hakimi Anar Sadıxovun sədrliyi ilə baş tutan prosesdə təqsirləndirilənin anket məlumatları dəqiqləşdirilib. Onun barəsində seçilmiş həbs qətimkan tədbirinin dəyişdirilmədən cinayət işinin məhkəmə istintaqına verilməsi ilə bağlı qərar qəbul edilib.

Daha sonra prokuror ittiham nitqi ilə çıxış edərək təqsirləndirilənə ittiham aktını elan edib.

İlhamə Əskərova isə ittihama görə özünü təqsirli bilməyib. Bundan sonra təqsirləndirilənə sərbəst ifadə üçün söz verilib.

Xatırladaq ki, İlhamə Əskərovaya qarşı Cinayət Məcəlləsinin 234.1-1 (satış məqsədi olmadan külli miqdarda qanunsuz narkotik vasitələr və ya psixotrop maddələri saxlama və ya daşıma) maddəsi üzrə ittiham irəli sürülüb.

Qeyd edək ki, İlhamə Əskərova aparıcı Azər Zahid tərəfindən tiktokerlərin iştirakı ilə təşkil olunan yarışlarda iştirakçı olub.