Azərbaycanlının qətli ilə bağlı yeni xəbər | Moskva
Rusiyanın Moskva vilayətinin Balaşixa şəhərində azərbaycanlı iş adamı Nazim Əhmədovu öldürməkdə şübhəli bilinən şəxs və onun əlbir olduğu cinayət yoldaşı Türkiyəyə qaçıb.
Bu barədə “Mash” “Telegram” kanalı öz mənbələrinə istinadla xəbər verib.
Bildirilib ki, onlar tapançanı yolda atıb, Şeremetyevo hava limanına gediblər, oradan isə Türkiyəyə yollanıblar. Şübhəlilərin hər ikisinin axtarışı davam edir.
Xatırladaq ki, Nazim Əhmədov aprelin 20-də sahib olduğu “Yunis” mağazasının yaxınlığında pusquya salınaraq öldürülüb. Qatil onu sinəsindən və başından güllələyib. N.Əhmədovun rəsmi həyat yoldaşı, 61 yaşlı Ofeliya mağazaya gələn zaman əri ilə birlikdə avtomobildə olub. Onu da öldürməyə cəhd ediblər, lakin alınmayıb.
Moskva vilayətinin İstintaq Komitəsində hər iki təqsirləndirilən şəxsə qiyabi olaraq “qabaqcadan razılaşmaqla iki və ya daha çox şəxsin birgə iştirakı ilə adamöldürmə” və “qanunsuz silah alveri” ittihamı irəli sürülüb.
“Telegram” kanalının iddiasına görə, Nazim Əhmədovun qətl səbəbi qadın intiqamı ola bilər. Qeyd olunub ki, biznesmenin Azərbaycanda qeyri-rəsmi həyat yoldaşı olub və cinayət törətmək üçün qatili o tuta bilər.
#Rusiya teqi istifadə olunub
- ABŞ ilə kritik razılıq: Hindistan Rusiya neftindən imtina edir? - Baku TV CANLI
- Ermənistandan Rusiyanın TRIPP-ə qoşulmasına sərt reaksiya
- Zelenskidən növbəti görüşlə bağlı açıqlama | NATO-nun baş katibi Ukraynaya səfər edəcək - Baku TV
- Rusiya ABŞ ilə razılığa gələ bilmir, Çin işini görür - Baku TV
- Ermənistanda türklərə qarşı düşmənçilik yenidən qızışdırılır? | BİZDƏN NƏ DANIŞIRLAR?
