Pleyeri seçin:
Bakıda ağlasığmaz hərəkət edən qadına hansı cəza verildi? | Məhkəmənin detalları üzə çıxdı
Bakıda quldurluq etməkdə təqsirləndirilən Leyla Zülfüqarovanın cinayət işi üzrə sonuncu məhkəmə prosesi keçirilib.
Bakı Ağır Cinayətlər Məhkəməsində hakim Azər Tağıyevin sədrliyi ilə keçirilən prosesdə hökm oxunaraq o, 8 il müddətinə azadlıqdan məhrum edilib.
Qeyd edək ki, Leyla Zülfüqarova Cinayət Məcəlləsinin quldurluq, qabaqcadan əlbir olan bir qrup şəxs tərəfindən törədildikdə və quldurluq, silah və ya silah qismində istifadə edilən əşyalar tətbiq edilməklə törədildikdə maddələri ilə təqsirləndirilib.
İttihama görə, o, tanışları ilə birgə metronun "20 Yanvar" stansiyası yaxınlığında paytaxt sakininə qarşı quldurluq edərək zərərçəkənin telefonlarını və pulunu əlindən alıb. Qısqanclıq zəminində törədilən bu cinayət əməli ərazidə quraşdırılmış veb-kameralar vasitəsilə anbaan lentə alınıb.
Leyla Zülfüqarova ilə birgə cinayətdə iştirak edənlərlə bağlı cinayət işi isə başqa icraatda araşdırılır.
Kopyalandı
#Quldurluq cinayəti teqi istifadə olunub
Seçilmişlər
